IP Ünvanı Nədir, Məqsəd və Faydaları
IP, İnternet Protokolu deməkdir. IP Ünvanı şəbəkədəki hər bir maşına verilən unikal identifikasiya (eyniləşdirmə) sistemidir.

İnternetdən istifadə edirsinizsə, IP ünvanı termini haqqında eşitmisiniz.

 IP Ünvanı Nədir? Niyə vacibdir? Onun məqsədi nədir?

Xoşbəxtlikdən, bu məqalə IP Ünvanın tam olaraq nə olduğunu izah edəcək. Əlavə olaraq, statik və dinamik IP Ünvanı arasındakı fərqi müzakirə edəcəyik və onun faydalarını  araşdırıb, mövzu ilə bağlı suallarınızı cavablandıracağıq.

IP Ünvanı və  Məqsədi Nədir?

IP, İnternet Protokolu deməkdir. IP Ünvanı şəbəkədəki hər bir maşına verilən unikal identifikasiya (eyniləşdirmə) sistemidir.

IP Ünvanın iki əsas funksiyası var. Birincisi, müəyyən bir maşın üçün eyniləşdirmə metodu kimi istifadə olunur. İkincisi, maşının yerini müəyyən etmək üçün istifadə olunur.

IP Ünvanları unikal identifikator olduğundan, kompüterlərə müəyyən bir şəbəkə daxilində və müəyyən kompüterlərdən məlumat göndərmək və qəbul etmək imkanı verir.

Dinamik və Statik IP Ünvanları

Aydındır ki, Dinamik IP Ünvanları daim dəyişəndir. Digər tərəfdən, Statik IP Ünvanları hər zaman eyni qalır. Ümumiyyətlə, Internet Service Provider (ISP) ilə qeydiyyatdan keçsəniz, sizə səmərəlilik səbəbindən dinamik bir IP Ünvanı təyin ediləcəkdir.

Dinamik  IP Ünvanının Faydaları

Dinamik bir IP Ünvanına sahib olmağın bir neçə faydası var, bunlar aşağıdakılardır:

  1. Əlavə xərcə səbəb olmur
  2. Etibarlı və avtomatik olduğundan sizin üçün hər şeyi asanlaşdırır
  3. Siz və sizin ISP-niz üçün hər şeyi daha asan və daha səmərəli edir.

Statik  IP Ünvanı əldə etməyin faydaları

Statik IP adreslərində yararlana biləcəyiniz bir çox üstünlük vardır. Onlardan bəziləri:

  1. Sabitdir.

Statik IP Ünvanları dəyişmədiyi üçün dinamik IP Ünvanları ilə müqayisədə daha sabitdir, xüsusən internet istifadəsi üçün. IP Ünvanı dəyişdirildikdə bağlantınızda zaman zaman boşluqlar baş verə bilər. Ünvanınız dəyişdirildikdə internetə yenidən qoşulma problemi ilə də üzləşə bilərsiniz. Statik IP Ünvanı sabit olduğundan bu problemlərin qarşısını alır.

  • Serverləri işə salmağa imkan verir.

Statik  IP Ünvanının əsas üstünlüyü, digər kompüterlərin internet vasitəsilə əldə edə biləcəyi məlumatları saxlaya biləcək serverlərə sahib olmaqdır. Bu cür ünvan kompüterlərə dünyanın istənilən yerindən asanlıqla bir server tapmağa imkan verir.

Qapalı bir şəbəkə daxilində uzaqdan giriş etmek mümkün olan kompüterlərdə Statik IP Ünvandan istifadə etməklə daha səmərəlidir. Fərqli əməliyyat sistemlərindən istifadə edən müxtəlif növ kompüterlər hər dəfə eyni statik IP Ünvanını axtararaq ana sisteminə daxil ola bilərlər.

  • Sadədir.

Bu tip IP Ünvanı dəyişmədiyi üçün təyin etmək və saxlamaq daha asandır. Şəbəkə rəhbərləri internet trafikini asanlıqla izləyə bilərlər. Ayrıca, IP Ünvanlarından asılı olaraq müəyyən istifadəçilərə giriş imkanı təyin edə bilərlər.

  • Daha asan izləmə imkanı verir.

Statik IP Ünvanları olan kompüterləri internetdən istifadə edərək izləmək asandır. Müəllif hüququ mühafizəçiləri asanlıqla statik IP Ünvanı ilə məzmun yükləyən istifadəçiləri izləyə bilər.

Unikal IP Ünvanının olmasının əhəmiyyəti

Veb saytlar hosting xidmətlərinə ehtiyac duyurar, və sahibləri müxtəlif seçimlərdən birini seçə bilərlər. Bir çox webmaster öz serverlərini qurmaq və ona sahibi olmaq istəmir. Onlar daha populyar seçimlərdən və ya xüsusi hosting xidmətlərindən istifadə edirlər.

Paylaşılan hosting xidmətlərinin eyni serverdə birdən  çox  veb saytı var. Bu veb saytlar bir serverdə olduğundan, bir IP Ünvanı paylaşa bilərlər.

Bunun mənfi cəhətləri var. Bir sahibkar, veb saytında ziyanlı şeylər edə bilər, nəticədə bloklanar və ya qara siyahıya alınar. Bu baş verdikdə eyni serverdə olan bütün saytlar da əziyyət çəkə bilər.

Saytınız xüsusi bir serverdədirsə, öz IP Ünvanınız ola bilər. Beləliklə, veb saytınız digər webmaster-ların səhvlərindən təsirlənməyəcəkdir. Unikal bir IP Ünvanı daha yaxşı müdafiə, təhlükəsizlik və etibarlılıq təklif edir. Bütün bunları nəzərə alaraq veb saytınız üçün düzgün hosting xidmətlərinin seçilməsinin vacib olduğunu görə bilərsiniz.

Nəticə olaraq

IP Ünvanları bir şəbəkədəki maşınların unikal identifikatorlarıdır. Eyniləşdirmə sistemi kimi fəaliyyət göstərməkdən başqa, həmin maşının “ünvanı” və ya yeri kimi də xidmət edir. IP Ünvanları bir kompüterdən digərinə məlumat göndərmək və qəbul etmək üçün vacibdir. Texnoloji inkişafın və internet istifadəsinin yayılması ilə bu gün, IP Ünvanları şəbəkələrin və cihazların səmərəli işləməsinə imkan verən mükəmməl həllərdir.

Bu yazını sosial şəbəkəniz də dostlarınızla paylaşa bilərsiniz!

Oxşar Məqəlalər